ໂດຍປະຕິບັດຕາມ ຂໍ້ຕົກລົງຂອງນາຍົກລັດຖະມົນຕີ ວ່າດ້ວຍການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III ປີ 2019 ສະບັບເລກທີ 46/ນຍ, ລົງວັນທີ 31/05/2017. ແຂວງອຸດົມໄຊ ມີຄົວເຮືອນຄັດເລືອກເປັນຄົວເຮືອນທັງໝົດ 2.486 ຄົວເຮືອນ ຢູ່ໃນ 156 ບ້ານ ໃນທົ່ວແຂວງ, ມີຄະນະຊີ້ນໍາການສຳຫຼວດຂັ້ນແຂວງ ແລະ ຂັ້ນເມືອງ ທັງໝົດ 41 ທ່ານ; ຍິງ 1 ທ່ານ; ໃນນີ້, ຄະນະຊີ້ນຳຂັ້ນເມືອງ 7 ເມືອງ 36 ທ່ານ; ຍິງ 0 ທ່ານ, ມີນັກກວດກາ 23 ທ່ານ ໃນນັ້ນ, ນັກກວດກາຂັ້ນແຂວງ 4 ທ່ານ, ນັກກວດກາຂັ້ນເມືອງ 19 ທ່ານ ແລະ ນັກເດີນສໍາຫຼວດ 38 ທ່ານ; ຍິງ 6 ທ່ານ. ການສໍາຫຼວດໄດ້ເລີ່ມຈັດຕັ້ງປະຕິບັດແຕ່ວັນທີ 15/11/2020 ພ້ອມກັນໃນທົ່ວແຂວງ.
ໃນການສຳຫຼວດຄັ້ງນີ້ ໄດ້ຮັບຜົນດີກໍ່ຍ້ອນມີທິດຊີ້ນຳທີ່ຖືກຕ້ອງ ແລະ ຊີ້ນຳ-ນຳພາ ຢ່າງໃກ້ສິດຂອງຄະນະຊີ້ນໍາແຕ່ແຂວງຮອດເມືອງ ເປັນຕົ້ນແມ່ນ ໃຫ້ທິດຊີ້ນຳ, ຕິດຕາມ, ຊຸກຍູ້ ແລະ ແກ້ໄຂບັນຫາຕ່າງໆ ໄດ້ທັນການ, ອົງການປົກຄອງໃນທຸກຂັ້ນ ແລະ ບັນດາຄົວເຮືອນເປົ້ນໝາຍໃຫ້ການຮ່ວມມື ແລະ ເອົາໃຈໃສ່ແຕ່ຕົ້ນຕະຫຼອດປາຍ ແລະ ມີການປະສານງານກັນຢູ່ຕະຫຼອດໄລຍະຂອງການເດີນສຳຫຼວດ ຜ່ານຊ່ອງທາງຕ່າງໆ.
ຜ່ານການຈັດຕັ້ງປະຕິບັດການສໍາຫຼວດໃນພາກສະໜາມ ແຕ່ວັນທີ 15-22/11/2020 ສາມາດສໍາພາດຄົວເຮືອນເປົ້າໝາຍສໍາເລັດ 1.130 ຄົວເຮືອນ ເທົ່າກັບ 45% ໃນ 75 ບ້ານ ໄດ້ແບ່ງອອກເປັນແຕ່ລະເມືອງດັ່ງລຸ່ມນີ້:
